კრისტალ ლიზინგმა ესთეტიკის ცენტრ „ჰედონეს“ უახლესი თანამედროვე  მოწყობილობების — ლაზერული ეპილაციისა და წყალქვეშა მასაჟის აპარატების შეძენა დაუფინანსა.

პროექტის შედეგად, ცენტრმა ახალ მომსახურებებთან ერთად, მომხმარებლებს ვაკუუმფუნქციონალის წყალქვეშა მასაჟის ინოვაციური აბაზანით სარგებლობა საქართველოში პირველად  შესთავაზა. მოწყობილობები „ჰედონეს“ საშუალებას მისცემს, მრავალფეროვანი, მაღალი ხარისხის სერვისები დანერგოს, ბრენდის პოპულარიზაცია გაზარდოს, ახალი მომხმარებლები მიიზიდოს და საკუთარი ბიზნესსაქმიანობა კიდევ უფრო განავითაროს.

კრისტალ ლიზინგის მოქნილი და მარტივი პროდუქტის დახმარებით, ავეჯის საწარმო „სკამი“ მომხმარებლებს კიდევ უფრო მრავალფეროვან ასორტიმენტსა და მომსახურებებს სთავაზობს.

კრისტალ ლიზინგთან თანამშრომლობით განხორციელებული პროექტის ფარგლებში, საწარმომ კონკრეტულ საჭიროებებზე მორგებული დაფინანსება დამატებითი ბიუროკრატიული ბარიერების გარეშე მიიღო, საკუთარი სატვირთო ავტომობილი შეიძინა და მომხმარებლები პროდუქციის სახლში მიტანით თავადვე უზრუნველყო. შედეგად, მომსახურების მასშტაბი კიდევ უფრო გააფართოვა, ხარჯები შეამცირა და ამჟამად უკვე ახალი სერვისების შეთავაზებაზე მუშაობს.

კრისტალ ლიზინგის აგრო ლიზინგის დახმარებით, მეღვინეობა „ღვინუკა“ ახალი დანადგარებით აღიჭურვა. შედეგად, საწარმო ტექნიკურად გადაიარაღდა, მისი წარმადობა კი გაიზარდა.

მოქნილი და მომხმარებლის საჭიროებებზე მორგებული, მარტივი დაფინანსებით მეღვინეობა ბიზნესპროცესების ოპტიმიზაციას, შესაძლებლობების გაფართოებასა და პროდუქციის ექსპორტირების ეფექტიანობის გაზრდას შეძლებს.

კრისტალ ლიზინგის დაფინანსებით, სამშენებლო ხელთათმანების მწარმოებელი ქართული კომპანია „მალასა“ ახალი საქსოვი დანადგარებით აღიჭურვა.

თანამედროვე მოწყობილობების ამოქმედება კომპანიის მიერ დამზადებული პროდუქციის რაოდენობას ზრდის და მას ბაზარზე არსებული მოთხოვნის დაკმაყოფილების საშუალებას აძლევს.

„მალასა“ საქართველოში სამშენებლო ხელთათმანების ერთადერთი მწარმოებელია. მისი პროდუქცია მაღალი ხარისხით, გამძლეობითა და ოპტიმალური ფასით გამოირჩევა. ახალი დანადგარები კომპანიას ბიზნესსაქმიანობის კიდევ უფრო განვითარებაში დაეხმარება.

კრისტალ ლიზინგის დახმარებით, მაკულატურის გადამამუშავებელმა საწარმომ, „მარიამი 2019“-მა ახალი მანქანა-დანადგარი შეიძინა და  მაღალი ხარისხის, ეკოლოგიურად სუფთა ჰიგიენური ქაღალდის წარმოება დაიწყო.

თანამედროვე მოწყობილობა საწარმოს დაეხმარება, პროდუქციაზე არსებული გაზრდილი მოთხოვნა ოპტიმალურად დააკმაყოფილოს და ახალი მატერიალურ-ტექნიკური რესურსით ბიზნესი კიდევ უფრო გააფართოოს.